قناع ولا اروع لهاذ الموسم البارد...

ذاكرة

الادارة
طاقم الإدارة
ادارة المنتدى
السلام عليكم ورحمه الله وبركاته

حياكم الله انيقاتي شفتكم نسيتو روسكم هنا المهم اليوم جبت ليكم واحد القناع ولا اروع ولا اسهل وغني جدا مكوناته بسيطة والنتيجة من اول استعمال وصالح لكل انواع البشرة .

القناع من البطاطة الحلوة الغنية عن التعريف لغناها بانواع مختلفة من الفيتامينات لي كتوفر عليهم وتعتبر مضادة للاكسدة لي كتساعد على مكافحة التجاعيد كتمتص الهالات السوداء كتوحد لون البشرة كتقضي عل. التصبغات وكذلك غنية بالكاروتين و غنية بالمغنزيوم والفوسفور والبوتاسيوم والصوديوم والزنك يعني ماكلة ودواء ...

والطريقة ساهلة اما تسلقيها او تبخريها

حبة صغيرة من البطاطا بعدما تغسيلها مزيان وبدون ما تزولي لها القشرة تسلقيها ثم تاخذي فورشيط وتمعكيها وتخلطيها مع معلقة العسل او الحليب حتى تكوني ماسك متماسك.

وبعد تنظيف البشرة ديري القناع على وجهك وعلى عنقك وتخليه مدة نصف ساعة بدون ما تكلمي او تعملي تعابير على وجهك .

والنتيجة من اول استعمال قناع مرطب بشكل كبير يخلي بشرتك رطبة حرير و يعطيك نضارة واشراقة وصفاء البشرة

نخليك تكتشفي جمال هاذ القناع بنفسك وياريت ما تنساوش روسكم وسط زحمة الحياة وكل نهار برنامج، بل حتى العناية خاصها تخاذ بعين الاعتبار وتفكروها قبل الثلاجة والكوزينة والتخمال ..

بالصحة والراحة ونبغي نشوف التطبيقات صراحة يا سلام بها ترتفع الهمم...

برنامجنا هاذ الاسبوع قناع البطاطا 🥔 حلوة كقناع خيالي لجمال البشرة .

في انتظار مشاركاتكم وتطبيقاتكم..تحياتي
 

ذاكرة

الادارة
طاقم الإدارة
ادارة المنتدى
شكرا يا ذاكرة على الوصفة إن شاء الله غير يجيب البطاطا نتبالى بها شكرا من القلب
العفو مجودتي توحشتك والله وبالصحة والراحة تهلاي ليا في راسك وبزاف والله يحفظك غاليتي
 

ذاكرة

الادارة
طاقم الإدارة
ادارة المنتدى
وانتي من اهل الجزاء والتواب غاليتي وبصحتك وكلك طاقة ايجدابية لي كتسربي لينا الله يعطيك الصحة وتبارك الله عليك
اي نعم راسك هو الاول والعناية به وجبت قبل التخمال وكلشي ايوا اشنو كلشي على الزاز ههههههه
 

ذاكرة

الادارة
طاقم الإدارة
ادارة المنتدى
شكرا لك مريومة على هاد القناع ولكن بطاطا الحلوة موحال كاينة هنا 🥺
العفو حبيبتي علاش كاين العجب في بروكسيل مشيت يسحب لي راسي في سوق احد السوالم ههههههه
مول السفنج مشيت لكار دو ميغ اش غادي نقول لك موسم كلشي كاين حتى من حوانت النكافة كاينين وما تكونش البطاطة حلوة بعدا في اسبانيا مسمينها بونياطو موجودة بكثرة اوروبا فيها البطاطة الحلوة قلبي وسولي تلقايها ان شاء الله
 

ونلقى الأحبة

أنيقة معروفة
العفو حبيبتي علاش كاين العجب في بروكسيل مشيت يسحب لي راسي في سوق احد السوالم ههههههه
مول السفنج مشيت لكار دو ميغ اش غادي نقول لك موسم كلشي كاين حتى من حوانت النكافة كاينين وما تكونش البطاطة حلوة بعدا في اسبانيا مسمينها بونياطو موجودة بكثرة اوروبا فيها البطاطة الحلوة قلبي وسولي تلقايها ان شاء الله
هاديك راه بروكسيل انا في لييج مدينة صغيرة غادي نقلب عليها عند العرب😘👍
 

ذاكرة

الادارة
طاقم الإدارة
ادارة المنتدى
تماماة العرب يجيبوها لك وعرفتي البطاطة حلوة سبحان الله تبقى عندك حتى عام ما كتخمج ما والو ..وياليت قبل ما تسالي هههه بالصحة والراحة
 

ونلقى الأحبة

أنيقة معروفة
تماماة العرب يجيبوها لك وعرفتي البطاطة حلوة سبحان الله تبقى عندك حتى عام ما كتخمج ما والو ..وياليت قبل ما تسالي هههه بالصحة والراحة
سبحان الله انا ماني كنت صغيرة ما عنديش معها مناكلهاش هي والقصبية ههههه ولكن ماني كتنفع للعناية بالبشرة نشريوها علاش لا شكرا لك😘
 

ونلقى الأحبة

أنيقة معروفة
مريومة لقيت بطاطا الحلوة البارح في سوبر مارشي كيلو فيه 2 كبار غادي نجرب الوصفة اللي قلتي لنا حيث هادي مدة ماباقي درت والو 😑😔
س : واش ضروري نخليها في الثلاجة ولا غير في الكوزينة باش تبقى عندي لمدة اطول؟
 

ذاكرة

الادارة
طاقم الإدارة
ادارة المنتدى
مريومة لقيت بطاطا الحلوة البارح في سوبر مارشي كيلو فيه 2 كبار غادي نجرب الوصفة اللي قلتي لنا حيث هادي مدة ماباقي درت والو 😑😔
س : واش ضروري نخليها في الثلاجة ولا غير في الكوزينة باش تبقى عندي لمدة اطول؟
بالصحة والراحة هي خذيتها فريضة وكبيرة الحجم لا انا كنشربها ومغزل بايدي يكما خذيتي لومبالاج وهي ولا حطي ؟
المهم قطعي طريف ولي قطعتي ديريه في بلاستيك ودخلتها الثلاجة وشوفي حيث عمري ما درتها في الثلاجة صراحة غير هي رآها إلى تقشرت كتاكسد بسرعة
 

ونلقى الأحبة

أنيقة معروفة
بالصحة والراحة هي خذيتها فريضة وكبيرة الحجم لا انا كنشربها ومغزل بايدي يكما خذيتي لومبالاج وهي ولا حطي ؟
المهم قطعي طريف ولي قطعتي ديريه في بلاستيك ودخلتها الثلاجة وشوفي حيث عمري ما درتها في الثلاجة صراحة غير هي رآها إلى تقشرت كتاكسد بسرعة
الله يعطيك الصحة شريتها مباليا ماعندناش فردية ايوا فيها جوج حبات كبار قطعت منها وحطيتها في الثلاجة ولكن ما درتش لها لا بلاستيك لا والو
 

ذاكرة

الادارة
طاقم الإدارة
ادارة المنتدى
المهم لي قطعتي هي لي لوي عليها سولوفان او فيلم غذائي وخليها في الثلاجة والاخرى خليها غير مع البطاطة عادي
 
أعلى